Лепа Брена синоќа пред преполната загребска Арена изведе некои од своите најголеми хитови, меѓу кои беше и песната „Југословенка“.
Загрепска ,,Арена“ беше преполна, а сите во еден глас го пееја нејзиниот хит ,,Ја сам Југословенка“.
Интересно е што публиката ги пееше едногласно сите нејзини песни, а ,,Арена Загреб“ направи неколку видео материјали од концертот, пласирани на нивниот ЈуТјуб канал.
Брена одбележа 35 години од својата кариера.
„Јас сум веројатно последната Југословенка. И да, јас сум носталгична, бидејќи тоа беше време кое мене како уметник ме издигна, време во кое функционираше законот и правото, и време кога сите бевме во подобра економска, социјална и општествена ситуација. Кога императив ни беше да се забавуваме, а не да преживееме. И доколку ме прашате, ДА, јас и понатака во срцето сум Југословенка“, изјави Брена.
Брена синоќа во Загреб настапи прв пат по десет години, а поради големиот интерес организаторите додадоа уште еден концерт кој ќе се одржи вечерва, 15 декември.
