Instagram е преполн со фотографии од овој колач, а кога ќе видите зошто, и самите ќе го направите – со гаранција!
Состојките се сосема секојдневни – без никакви егзотични додатоци, а подготовката не може да биде поедноставна, а вкусот пак побожествен! Токму затоа овој колач го добил и името “магичен колач”, а еве и како може да го направите:
Потребни состојки:
● 4 јајца (одвојте ги жолчките)
● 120 гр шеќер
● една мала лажичка екстракт од ванила
● 115 гр стопен и разладен путер
● 95 гр брашно
● 4 децилитри млеко
Подготовка:
Жолчките добро сматете ги со шеќерот. Не престанувајќи да мешате, додадете ги ванилата и путерот, а потоа брашното и на крајот постепено додадете го и млекото. Кога ќе го направите сето тоа, додадете ги и белките од коишто претходно сте направиле цврст снег. Сето тоа сместете го во калапче и ставете да се пече на температура помеѓу 160 и 175 степени Целзиусови, на 40 до 70 минути. Кога е готов, оставете го да отстои барем три часа.
Декорирајте по желба, и вашиот колач е подготвен за послужување!
