Уште една фантастична комбинација на сос, која секако одговара со сите видови на тестенини, направете ја и уживајте во вкусот.
Потребни состојки:
– 300 гр. шпагети
– 100 гр. сланина
– 150 гр. сирење
– 250 мл. павлака за готвење
– 1/4 лажичка црн бибер
Начин на подготовка:
Во подлабок сад ставете вода со мешан сув зеленчук. Кога водата ќе врие ставете ги шпагетите и оставете да се сварат по ваш вкус.
Во нелеплива тава на тивок оган ставете ја исецкана сланина да се пржи. Доколку можете, одберете помесната сланина зошто е поубав вкусот.
Кога ќе се запржи, ставете го издробеното сирење и оставете минута до две заедно да се испржат. За сирењето најдобро е да е тврдо и солено.
Полека истурајте ја павлаката за готвење и мешајте постојано додека не ја добие потребната густина.
Сварените и исцедени шпагети ставете ги во чинија за служење и врз нив ставете од сосот.
Можете да додадете зачини по желба, но внимавајте со поинтензивните мириси да не го смените основниот вкус на сосот.
