Совршенството е досадно, сигурно би кажала Бети Дејвид, и оваа реченица најдобро би можела да ја опише новата кампања на Гучи за кармини.
Креативниот директор, италијанскиот дизајнер Алесандро Мишел лансираше нова линија од Гучи мејкап, која ја следи интересна кампања во која внесоа многу слобода.
Во неа не се ангажирани убавици без мана, туку кармините се рекламираат на усни на девојки кои немаат совршени усни, ниту пак совршени заби.
„Идејата на кампањата е прикажување на реалноста со хуманизиран поглед, иако е наизглед чудна. Но чудното е човечко, па со самото тоа и убаво“, велат од Гучи.
