Викторија Бекам за кратко време стана многу ценета модна дизајнерка. на почетокот многу лица ја исмеваа, но за десет години од работењето таа успеа да заработи голема почит.
Но, во последно време се погласни се „шушкањата“ дека нејзините вработени не ја сакаат многу.
Наводно заработила критики бидејќи водечките места во компанијата им ги доделила на Французи и Италијани, а не на Британци.
– Вработените Британци се прилично бесни бидејќи чувствуваат дека таа во хиерархијата ги поставува подоле во корист на арогантните Европејци кои имаат и поголеми плати“ – се пожалија Британците за таблоидот „The Mirror“.
Тие наведуваат дека не е во ред Викторија на важни позиции во компанијата да поставува Европејци бидејќи во 2017 година од кралицата Елизабета примила одликување од Британското кралство за постигнувања во британската мода.
Викторија, за овој проблем, се уште не се огласи.
