Вкусен и сочен викенд ручек: Пица од компири со пршута (ВИДЕО)

Кога времето е пријатно за шетање, никој не сака да поминува долги часови во кујната за да готви, но сепак секој сака да ужива во вкусен и сочен викенд ручек.

Имаме предлог како најбрзо да зготвите вкусна пица од компири:

Потребни состојки:

Еден компир
Маслиново масло
Пармезан
Доматен сос
Свежи печурки
Моцарела
Едно јајце
Пршута (или друг сувомеснат производ по желба)

Подготовка:

Исечкајте го компирот на тенки кружни парчиња и истите наредете ги во круг во садот каде ќе го пржите. Претходно ставете малку маслиново масло.

На кругот компири наросете пармезан и покријте го садот. Пржете 5 минути на ниска температура.

По 5 минути додадете ги доматниот сос, печурките, моцарелата и јајцето, гответе 5 минути на средна температура.

Потоа додадете ја пршутата и ручекот е подготвен.

Пријатно!!!