Долго време се зборуваше за најскапиот хамбургер во светот кој чинеше 900 долари и се служеше во Јапонија. И додека сите мислевме дека полуксузно од тоа неможе, неодамна овој нов хамбургер го тргна од тронот, со речиси двојно поголема цена.
Имено, Black Gold, хамбургерот кој чини неверојатни 1,600 долари, може да се нарача во „H Bar“ во Хјустон и сигурно е најлуксузното и најраскошко издание на едно јадење досега.
Содржи сецкано wagyu говедско, црни тартуфи и паштета од гуска, при што дополнително е декориран со 24-каратни златни ливчиња, кои исто така се јадат. Овој метален детал е инспириран од Златната грозница, додека црното лепче од бриож омаж од богатата нафтена историја на оваа држава.
Wagуu говедското се набавува од Јапонија и се става на лепче наполнето со кавијар. Сепак, тоа не е се!
Со хамбургерот ќе добиете и златен помфрит и шише 2006 Dom Perignon шампањ.
