Модните избори на шпанската кралица Летиција секогаш се коментираат. Главно позитивно, а во последното издание сопругата на шпанскиот крал Фелипе успеа да го запре здивот на сите кои се најдоа во истата просторија со неа.
Нејзиниот црн фустан со мрежичка на рамената, реси кои паѓаат до колковите и миди должина зрачеше од гламур и елеганција.
Со ваков ефектен фустан со потписот на „Hugo Boss“, на кој не му се потребни речиси никакви додадоци, таа понесе само мала црна торбичка и салонки со висока штикла со потписот на „Manolo Blahnik“ и со исклучително интересен дезен.
Кралицата носеше и малку накит, односно еден дискретен прстен и дијамантски обетки, кои прилегаат на кралскиот стил.
Нејзината шминка беше нагласена со оглед на тоа дека станува збор за вечерна прилика. Многумина искоментираа дека ова е најдобрата модна комбинација во која ја виделе кралицата Летиција.
