Вчера вечер во Лондон се собраа голем број познати личности и ѕвезди за да присуствуваат на British Fashion Awards во Royal Albert Hall, каде што се слават најдобрите таленти од модната индустрија.
Наградите за животно достигнување ги добија дизајнерот Џорџо Армани (85) и моделот Наоми Кемпбел (49) која е прогласена за модна икона.
Титулата најдобра ја доби и Ријана (31) за својот бренд Fenty. За помалку од една година по започнувањето на брендот, ја доби наградата Urban Luxe Award.
Пејачката прошета на црвениот тепих во впечатлива минт-зелена креација од својот бренд.
Актерката Џулија Робертс (52) на доделувањето пристигна во црн комбинезон со кристали и длабоко деколте.
Пејачката Никол Шерцингер (41) исто така одбра длабоко деколте со кое ги откри своите гради.
Модната дизајнерка Донатела Версаче (64) се појави во припиен фустан од својот бренд. Многу модни стручњаци искоментираа дека не ласка на нејзините години, бидејќи ги открива нејзините „недостатоци“.
