Ким Кардашијан често е на удар на критики поради својот стил на облекување, но нејзиното последно модно издание многумина целосно ги изненади.
За доделувањето на наградите 2019 Creative Arts Emmys одржани во Лос Анџелес, Ким Кардашијан избра црн кадифен фустан кој привлече огромно внимание со класичноста елеганцијата и префинетоста.
Креацијата со висок околувратник и асиметричен горен дел ја следи линијата на телото и се стеснува кон подот, а одењето во овој тесен модел го олеснува шлицот на страна.
Ким фустанот го комбинираше со црни штикли на многу тенко ременче и на врзување околу зглобот. Од накит носеше дијамантски прстен, а косата ја обликувала во висока пунџа.
Ваквото елегантно појавување на 38-годишната ријалити ѕвезда изненади многумина кои коментираа дека никогаш не ја виделе во така софистицирано издание.
Многумина сметаат и дека била најдобро облечена на доделувањето на наградите 2019 Creative Arts Emmys.
