Појадок, ручек или вечера, изберете сами, во секој случај оваа пита е идеална.
Состојки: 250 гр лиснато тесто, 250 грама тиквички, 250 грама сирење, 2 чешниња лук, 3 јајца, свежо мелен бибер, индиско оревче.
Подготовка: Лиснатото тесто развијте го на дебелина околу три милиметри и префрлете го во плех обложен со хартија за печење. Тивкичките исецкајте ги на тенки кругчиња или правоаголници, посолете и оставете ги да отстојат околу 20 минути за да го испуштат вишокот вода.
Сирењето измешајте го со сецканиот лук, ренданото индиско оревче и јајцата. Посолете и забиберете, па состојките добро измешајте ги. Смесата рамномерно распоредете ја по тестото, додадете ги тиквичките одозгора па печете ја питата во рерна на 170 степени околу 40 минути.
