Американските дерматолози истакнале дека честото туширање ја суши кожата и предизвикува нејзина иритација, ги отстранува добрите бактерии кои постојат на површината на кожата, предизвикувајќи пукнатини на неа и го зголемува ризикот од инфекции. Ова особено важи за туширање со топла вода, пишува „The Philadelphia Inquirer“.
Повеќето луѓе секојдневно се тушираат. Тоа им е секојдневна обврска, што секако не сакаат да ја пропуштат. Нивните навики се спротивставени со тврдењата на научниците кои велат дека честото миење има штетни последици.
View this post on Instagram
Доктор Џошуа Цајхнер, професор по дерматологија во њујоршката болница „The Mount Sinai Hospital“, го окарактеризирал честото туширање како културен феномен.
– Забележливо е дека луѓето во нашата земја умеат да претераат со хигиената, и тоа треба да се истакне. Ваквото однесување е прифатено како општествена норма, истакнал Ранела Хирш, дерматолог од Бостон.
„Неумереното туширање“ е одраз и на влијанието на маркетинг кампањите, а не само модерните, туку исто така, и реклами кои се пласирани по Граѓанската војна. Како што во тоа време се ширеле рекламите за сапун и хигиената на луѓето се зголемувала на повисоко ниво.
View this post on Instagram
Цајхнер и Хирш нагласиле дека родителите не треба секојдневно да ги капат децата. Доколку возрасните би ги послушале нивните совети, би ја направиле детската кожа помалку чувствителна на алергии и разни кожни заболувања како што е егземата.
Според советите на американските експерти, не е секој ден за туширање, за време на тие денови кога не се туширате исто така, треба да се одржува хигиена, со миење на најкритичните места на телото, и тоа со влажна крпа.
Тие истакнале дека темпото на туширање зависи од активностите на секој од нас, но дека е најдобрата препорака за туширање еднаш на секои два до три дена.
