Идниот британски крал, малечкиот принц Џорџ и неговата сестричка принцезата Шарлот учат во училиштето „Thomas’s Battersea“ во Лондон.
Иако малечкиот Џорџ е трет, а неговата сестра четврта во редот за британскиот престол, тие во училиште се однесуваат како и сите останати деца и според правилото на училиштето не постои разлика меѓу останатите деца.
Иако останатите деца се возбудени што одат во исто училиште со принцот и принцезата, сега сите се ист тим и сите се еднакви кога ќе заѕвони училишното ѕвоно.
На принцот и принцезата, како и на останатите деца, не им е дозволено да имаат најдобри пријатели, тие треба да научат да бидат љубезни и коретни кон сите, не само кон едно пријателче, нагласуваат од училиштето.
„Училиштето е фокусирано децата да се научат на љубезност и навистина се добри во тоа. Доколку на роденден не се повикани сите деца од одделението, не е дозволено да се делат покани. Ниту едно дете не смее да биде исклучено“, велат од училиштето.
„Личниот, социјалниот и емоционалниот развој, комуникацијата и јазикот, телесниот развој, писменоста, математиката, разбирањето на светот, уметноста и дизајнот се работите кои децата ги учат и на кои тие се фокусирани и насочени“, велат оттаму.
