Горко-слатките спомени, кои сите ги носиме во душата, е темата на новиот сингл на Индира „Првиот се памти“.
Љубовната песна, во која може многумина да се пронајдат, е подарок од Индира Форца за крајот на нејзината многу успешна година.
Зборовите ги напиша Индира, а музиката ја потпишува хитмејкерот Бранимир Михаљевиќ.
– Со оваа песна сакам да ги загреам сите срца и да ги исполнам со љубов во овој месец на прослави и празници, порача Индира Форца.
Модерниот ритам на новиот сингл потврдува дека Индира не се откажува од својот препознатлив звук кој го постави и на својот прв самосотен албум. По песната „Грешка во генот“, која покажа дека Индира оди чекор подалеку со продукциските трендови, новиот сингл „Првиот се памти“ е фузија на она што Индира го претставуваше веќе неколку години.
– Сакам да ја истражувам музиката, да си играм во студио, вели Индира.
Индира оваа година го промени и имиџот, и својата препознатлива фризура конечно ја промени, а за тоа доби бројни комплименти.
Доколку судиме по новата песна „Првиот се памти“, албумот најавен за следната година ќе биде вистински музички деликатес.
