Ева Лонгорија (44) привлече големо внимание на хуманитарната свеченост на организацијата “Global Gift Foundation” во елегантен фустан.
Американската актерка на црвениот тепих зачекори во фустан со миди должина кој ја следи линијата на телото, при што дојде до израз нејзината беспрекорна фигура.
Овој модел со својот крој малку потсетува на корсет, а горниот дел без прерамки создава срцевидно деколте.
Но, фустанот на Ева делува позгодно од корсет, а како единствен украс на фустанот светнаа трите големи копчиња.
Ефектното издание актерката го заокружи со црвени сандали на висока тенка потпетица, додека од модните додатоци избра округли обетки и децентен прстен.
