Хари во 2017 година својата избраничка ја вери со прстен кој на себе имаше два дијаманти од личната колекција на неговата покојна мајка – принцезата Дијана.
Неодамна Меган Маркл на традиционалниот настан „Поздрав на боите“ во Лондон се појави за прв пат по породувањето, а јавноста збуруваше за нејзиното впечатливо издание.
Но, кога Меган ги тргна ракавиците следеше вистинско изненадување, а британските медиуми тоа го пренесоа дури сега…
Имено Меган го покажала новиот веренички прстен, две години откако Хари и го подари првиот.
Првичниот прстен имаше полн круг од жолто злато, два мали скапоцени камења кои веќе ги споменавме и еден голем дијамант кој го избрал самиот принц Хари, а го набавил во Боцвана, што беше и една симболика, со оглед на тоа дека таму беше нивното прво заеддничко патување.
https://www.instagram.com/p/BzGgukUgcEd/?utm_source=ig_embed
Кога точно Меган Маркл решила да ги направи промените не се знае, но веројатно тоа го направила во текот на бременоста, кога не го носеше, а многумина беа уверени дека тоа е така поради надуеноста.
Сега златниот дел на кругот од прстенот е заменет со низа од неколку дијаманти.
Се верува дека и тоа е подарок од принцот Хари, овој пат за годишницата од бракот, и дека цената на оваа обнова чини околу 4.000 фунти. Британските медиуми пренесоа дека ова е само делче од колекцијата накит на Меган Маркл за која се верува дека содржи повеќе од 90 парчиња накит и вреди повеќе од 600.000 фунти.
