Џенифер Анистон се врати на црвениот тепих и изгледа неверојатно! Актерката се појави на премиерата на својот најнов филм „Мистериозно убиство“ во атрактивен кожен мини фустан.
Нејзиниот имиџ на убава девојка од Калифорнија цврсто се врати, со плава коса, бронзена кожа и природна шминка која ни го дава ултимативниот Анистон пакет!
Таа среќно позираше со актерот Адам Сендлер и остатокот од актерската екипа на прославата на филмот, кој ќе биде прикажан на платформата Нетфликс на 14 јуни.
Џенифер го прослави својот 50-ти роденден во февруари, со забава на која присуствуваа ѕвезди како Кортни Кокс, Бред Пит, Гвинет Палтроу, Кејт Хадсон, и др.
Оваа актерка му е верна на својот тим за мода и убавина, со кој работи долги години. Модните стилисти задолжени за Џенифер се Нина и Клер Халворт, а за нејзината коса веќе долги години се грижи фризерот Крис, кој е одговорен и за креирањето на иконската „Рејчел“ фризура пред толку години.
