Убавата адвокатка и сопруга на Џорџ Клуни, Амал, никогаш досега не разочарала со својот изглед во свечените прилики, но се чини дека е најуспешна и во комбинирањето на парчиња облека за секојдневни прилики.
Овој пат таа се определи на нејзиниот изглед да доминира црната боја, па така избра црн капут со макси должина, црн џемпер, чевли и торба. Единствено нешто што ја разбива евентуалната монотонија на оваа комбинација е светлосивата сукња со црна карирана шара.
Станува збор за парче од миди должина и рамен крој, кој го краси шлицот од страна и одлично се вклопува со волнениот капут со соодветна должина. Дами, слободно ископирајте го нејзиниот стил.
И кралицата Летиција неодамна облече слична комбинација, а и двете докажано важат за модни кралици.
