Мила Кунис остана доследна на темните тонови на косата, кои според мислењето на многумина најдобро ѝ прилегаат, но сепак на едно случување се појави со нова фризура.
Актерката важи за некој кој сака промени, а минатогодишната улога поради која ја обои косата во сина боја, сите добро ја забележаа.
Сега на своите следбеници на Инстаграм им ги покажа златните прамени кои на големо се најавуваат како најнов тренд за претстојната сезона.
Иако промената не е драстична, сите ја забележаа и ѝ дадоа позитивни коментари на Мила. Таа денес се појави во тотално лежерно издание на премиерата на филмот „Four Good Days” на „Санденс“ фестивалот, но сексапилот со кој актерката зрачи не помина незабележано.
Бидејќи ретко се појавува на црвениот тепих, таа сите ги маѓепса со своите златно-кафени тонови на косата.
