Протеините се важна хранлива состојка и ако не ги внесуваме доволно, многу е веројатно дека можеме да си предизвикаме здравствен проблем.
Ако не сте љубител на месо, млеко, млечни производи и јајца, добра вест е дека протеините ги има и во растителни намирници.
Еве во кои ги има најмногу, повеќе дури и споредено со месото:
Чиа семе
Ова ситно семе е меѓу најздравите видови храна во светот. Само две супени лажици чиа семе ќе обезбедат 4 грама протеини, 11 грама растителни влакна, како и омега 3 масни киселини.
Бадеми
Најдобро е да консумирате путер од бадеми. Доволни се само две лажички, за да обезбедите 7 грама протеини со растително потекло. Иако се работи за масна храна, путерот од бадеми има помалку масти отколку путерот од кикирики.
Киноа
Киноата е нешто меѓу семе и житарица, која се одгледувала изворно на Андите во Јужна Америка. Се работи за многу издржлива билка, која е тешко да се уништи. Една полна шолја киноа има 8 грама протеини, а го снабдува нашето тело со сите аминокиселини кои му се потребни за правилно функционирање.
Леќа
Леќата е нискокалорична, богата со растителни влакна и содржи 9 грама протеини во половина шолја. Има црвена, кафеава, зелена и жолта леќа и секоја боја има различни нутритивни вредности.
Семе од коноп
Семето од коноп содржи по 10 грама протеини во две лажички и е прво на местото природни извори на протеини. Нутриционистите го споредуваат и со говедско и јагнешко месо.
