Полнетите солени палачинки се одлична идеја за брз ручек или вечера, во денови кога немате многу време за готвење.
Тесто:
300 мл млеко
2 јајца
100 гр брашно
Малку масло
Сол
Фил:
100 гр сирење
100 гр шунка
Една лажица павлака
Прелив:
Едно јајце
Една лажичка павлака
Малку млеко
Рендан кашкавал
Подготовка:
Измешајте ги состојките за тесто, така што прво ќе ги изматите јајцата, па ќе ги измешате со другите состојки. Испржете ги палачинките.
Измешајте ги состојките за филот и филувајте ги палачинките.
Филуваните палачинки наредете ги во подмачкана тепсија за печење. Потоа, прелијте ги со смесата за прелив. Печете околу 30 минути на температура од 200 степени Целзиусови.
