Колку и да е топло, не можеме да и одолееме на желбата за некој вкусен десерт, особено ако е домашен.
Благодарение на овој рецепт секогаш ќе имате со што да се засладите, без да треба да вклучувате шпорет.
Потребни состојки:
1 кг бисквити (најдобро од типот на плазма)
1 л јогурт
50 гр шеќер во прав
500 гр шумско овошје по желба (малини, капини, боровинки…)
300 мл хопла
Малку путер
Подготовка:
Во поголем сад ставете ги искршените бисквити. Ставете го јогуртот и мешајте. Додадете го овошјето и шеќерот во прав и добро соединете.
Тава за печење подмачкајте ја со путер. Сипете ја смесата со бисквити. Оставете во фрижидер преку ноќ. Декорирајте со изматена слатка павлака.
