Ви претставуваме рецепт за лесен летен оброк чија подготовка нема да ви одземе многу време, подгответе ги овие такоси.
Еве што се ви е потребно за подготовка на овој вкусен ручек:
- 6 тортиљи
- 80 грама тврд кашкавал
- 500 грама пилешки гради
- 100 грама грашок
- 150 грама шери домати
- пиперка
- кромид
- листови зелена салата
- малку лимонов сок и маслиново масло
За преливот:
- грчки јогурт
- малку сецкан лук и див лук
Подготовка:
Исцекајте го пилешкото на тркалца и запржете го.
Исчистениот домат, кромид, пиперка и зелена салата исецкајте ги, помешајте ги со грашокот и зачинете ги со лимонов сок и маслиново масло.
Такосите загрејте ги на рингла и во нив додадете пилешко, целиот зеленчук кој претходно сте го помешале и коцки од тврд кашкавал.
На крајот сето тоа збогатете го со прелив од јогурт.
Сега ви преостанува само да уживате.
