Сенката за очи е еден од најомилените шминкерски производи, бидејќи може да придонесе да експериментирате со дневниот и ноќниот изглед, само со количината и начинот на нанесување.
Сепак, добро е да знаете и која нијанса или боја, но и текстура, најмногу ви одговара на вашите очи.
Следете ги овие едноставни упатства и прилагодете ги боите на вашиот стил за шминкање:
1. Зелени очи
Користете виолетова сенка во нијанси како модра слива, светло пурпурна или боја на црно вино за истакнување на зелените очи.
2. Сини очи
Оваа боја најлесно се истакнува со топли бои како што се портокалова, нијанса на праска, розова со портокалов тон и бронзена нијанса.
3. Сиви очи
Користете кафеави, розови и темноцрвени сенки очи, за да ги нагласите вашите сивкасти очи.
4. Очи со боја на лешник
Одберете светли нијанси на виолетовата боја. Можете дури да користите и „дреч“ варијанти на виолетова со црвен тон во себе.
5. Светли кафеави очи
Комбинирајте и нијансирајте со беж, златна, жолта и мат маслинесто-зелена нијанса на сенка за очи.
6. Темно кафеави очи
Идеална комбинација која ја нагласува длабочината на погледот е виолетова и златна. Користете ги една по една или пак и двете заедно, нијансирани една со друга.
Едноставен трик за ПОЛНИ УСНИ на кој досега не сте се сетиле
