Можеби на прв поглед не би рекле, но оваа боја на коса му одговара на секој тен на кожа.
Пролетта е блиску и на Инстаграм веќе се појавуваат разни нови трендови кога станува збор за модата, но и бојата на косата.
Оваа боја сигурно нема да им се допаѓа на сите, но дефинитивно му одговара на секој тен и тип на кожа. Таканаречената „mustard hair“ (во слободен превод „коса боја сенф“) е во моментот многу популарна и може да се види на бројни постови на Инстаграм.
„Mustard Hair“ е всушност портокалов тон на боја кој може малку да варира. Бојата обично се нанесува на врвовите на косата, а иако не бара голема техника сепак експертите советуваат со фарбањето во оваа нијанса да не експериментирате во домот.
