И додека бројни фанови на Наоми Кемпел (49) се навикнати на социјалните мрежи таа да објавува разголени фотографии, „Црната пантерка“ овој пат отиде во сосема друга насока.
Атрактивната манекенка очигледно ги следи сите новости за коронавирусот, па така таа позираше на аеродромот во заштитно одело, со маска и заштитни очила на лицето и розеви гумени ракавици на рацете. Очекувано, белиот куфер го усогласи со остатокот од стајлингот.
– Безбедноста на прво место, ново ниво. Цело видео наскоро ќе објавам на Јутјуб, напиша во описот во објавата на Инстаграм.
Инаку Наоми и минатиото лето ја покажа својата рутина за чистење на авионското седишто кое при секое патување го сфаќа многу сериозно.
Летајте сигурно – напиша таа тогаш, а дизајнерското модно издание го надополни со ракавици, маска и средство за дезинфекција.
Поради видот на кариерата таа целиот свој живот го поминала патувајќи со авионите, па како што вели, научила како околу себе да има се што и е потребно. Покрај средството за дезинфекција тука е и пакетот за хидратација, полн со маски за лице.
– Не ми е важно што мислат луѓето, важно ми е моето здравје, изјави таа.
