Болка на стомак, на грло, забоболка… Колкупати сте се нашле во ситуација да се обидете да ја намалите болката со помош на народни лекови, па и со ракија.
Но, кога е во прашање многу посериозна тема од обична мачнина, одбрана од вирус, експертите се прилично строги и непоколебливи – нема народни лекови, нема средства за дезинфекција измиксани дома, ниту пак чашка која може да помогне.
Упатствата се едноставни – да се одбраните од вирусот можете со правилни хигиенски навики, односно со правилно миење на рацете и апсолутно избегнување на допирање на лицето со раце, бидејќи коронавирусот може да се задржи на лицето, а оттаму да го пренесете на очите, носот или устата.
Но луѓето, за жал, комплицираат. Веруваат во „природните помагатели“, мешаат домашни средства со оние за дезинфекција и консумираат народни лекови за кои веруваат дека им помагаат. Така, на социјалните мрежи се рашири идејата дека како средство за дезинфекција за раце може да послужи – вотка!
Just made me some @TitosVodka hand #Sanitizer #GodBlessTexas https://t.co/SsxDPSTllV
— J. Michael Smith (@JMichael_Smith) March 3, 2020
Ваквите дезинформации кои се шират на социјалните мрежи, ги негираат од Центарот за дијагноза и превенција на болести од каде велат дека вотката не може да направи добра дезинфекција на рацете и на површините. Дополнително, велат дека треба да се внимава на сите домашни миксови кои имаат алкохол во составот. Ако процентот на алкохол не е повисок од 60 отсто, едноставно нема да биде делотворно средство против дезинфекција. Домашната ракија пак, содржи 50-60 отсто алкохол.
Здравствените стручњаци советуваат дека најдобра превенција од коронавирусот се сапунот и врелата вода. И дека истото важи и за чистењето на површините.
Прочитајте тука како правилно да се зашитите од коронавируост и како да се подготвите за евентуална пандемија.
