Нејзиното момче Дејв Меккари ја објави среќната вест на својот инстаграм-профил каде што сподели слика од нив двајца, на која Ема Стоун го носи уникатниот прстен.
Дејв е писател и директор на еден од сегментите на „Saturday Night Live“. Тој под својата објава прокоментирал само срце.
Тие се запознаа кога Ема гостуваше на „SNL“ во 2016 година, но Стоун и Меккари прв пат биле забележани заедно во ноември 2017 година. Тие исто така направија едно од ретките свои појавувања, на SAG Awards 2019 година.
Преку летото Стоун раскажала за списанието Elle дека сака да се омажи и основа семејство.
Оскаровката објаснила „Мојата перспектива за деца се смени со текот на годините, како што созревав. Никогаш не сум чувала деца или нешто слично на тоа. Како тинејџерка бев во стилот на: Никогаш нема да се омажам и никогаш нема да имам деца! А потоа станав повозрасна, пораснав и си помислив: Јас навистина сакам да се омажам, јас навистина сакам да имам деца.“
