Првата дама на Америка овој пат во малку полежерно издание…
Иако секогаш елегантна од глава до пети, во скапоцени материјали и дизајни со потпис, Првата дама на Америка, Меланија Трамп овој пат успеа да го изненади цел свет, со изборот на прекрасен тексас фустан во кој се појави на забавата која претседателскиот пар ја приреди во дворот на Белата куќа.
Првата дама покажа дека тексас одлично и стои и дека облеката од овој популарен материјал може и тоа како да пројде и за службени случувања. А широката насмевка која овој пат ја покажа, одлично и одговараше со лежерниот изглед.
Нормално, ниту овој пат не станува збор за фустан без потпис, а ова одлично издание во темен тексас е потпишано од познатата новозеландска дизајнерка Емилија Викстед, а на пазарот може да се најде по цена од 1,195 долари.
Позната е и по тоа што нејзините креации со задоволство ги носат и двете славни членки на британското кралско семејство, војвотките Kејт Мидлтон и Меган Mаркл.
Ова малку необично издание на Првата дама многумина веќе го пофалија и нагласија дека совршено и одговара со широката насмевка, но и беспрекорниот избор на чевли.
Нормално, и овој пат го избра својот омилен дизајнер за чевли, Кристијан Лобутин. Чевлите уште повеќе го нагласуваат тексас фустанот, кој мора да признаеме, неверојатно добро изгледа.
