Американската актерка Ен Хатавеј доби своја ѕвезда на познатиот „Булевар на славните“ во Лос Анџелес.
„Навистина сум многу трогната“, изјави на вчерашното случување Ен Хатавеј (36), добитничката на Оскар 2013 година за споредна женска улога во филмот „Les Miserables“.
Таа им се заблагодари на присутните обожаватели кои и посветиле дел од своето време како и на луѓето кои „веќе со децении се во нејзиниот живот“.
На настанот, со Хатавеј биле нејзините родители, сопругот и актерката Ребел Вилсон, со која заедно глуми во најновиот филм „The Hustle“, кој премиерно ќе биде прикажан денеска во САД.
Ѕвездата на Ен Хатавеј се наоѓа пред влезот на Кинескиот театар, многу посетена холивудска локација.
