Принцезата Шарлот минатата недела за првпат тргна во училиште, а на првиот ден од наставата таа пристигна во друштво на родителите и постариот брат Џорџ.
Возбудената принцеза Шарлот тргна во училиште, а ја испратија родителите Вилијам и Кејт. Иако во училишните клупи е само неколку денови, изгледа дека четиригодишната принцеза веќе добила два прекари од страна на своите соученици.
Имено, некои ја викаат Лоти, додека поиновативните деца ја нарекле „Принцеза воин“. Според изјавите на изворот, вториот прекар одговара на карактерот на Шарлот бидејќи таа е многу темпераментна и сака да заповеда.
Шарлот е второто дете на принцот Вилијам и Кејт Мидлтон, а родена е на 2 мај 2015 година.
