Иако некој би помислил дека не остана ништо што младата Кајли Џенер би можела да го направи а да не изненади, сепак таа ги поместува сите граници.
Не постои нешто што се нарекува „мала прослава“ кога станува збор за семејството Кардашијан-Џенер.
Сепак, никој не очекуваше од младата инфлуенсерка дека за своите најблиски ќе направи журка на јахта која покрај козметички салон, сауна и базен има дури и кино.
И хелиодром, нормално.
Изнајмувањето на оваа јахта неделно чини неверојатни милион долари, пишува британскиот „Метро“.
Но тоа е вистинска ситница за Кајли, која претходно оваа година беше прогласена за најмладата милијардерка.
Со 10 кабини, јахтата може да собере 22 гости кои ќе уживаат заедно со славеничката.
Бидејќи ова познато семејство ништо не остава сокриено, наскоро очекуваме на своите Инстаграм профили да се пофалат со фотки од луксузниот роденден на Кајли.
