Една од најпознатите хрватски блогерки Јелена Периќ и нејзиниот избраник, хрватскиот фудбалер Игор Бубњиќ, конечно проговорија за приновата и открија дека очекуваат син.
Јелена, која поради физичката сличност со најпознатата светска старлета ја нарекуваат „балканската Ким Кардашијан“ и Игор дознаа дека чекаат момче, а радосната вест ја споделија и на социјалните мрежи.
– Подгответе се за новиот добитник на Златна топка, напиша Игор.
Блогерката и фудбалерот на средината на овој месец се верија, па наскоро планираат и венчавка.
Парот на почетокот не сакаше да зборува за бременоста. Кога одлучи сепак со сите да ги сподели своите емоции, Јелена за хрватските медиуми откри како реагирала кога дознала дека е бремена.
– Започнав да се тресам. Бев во шок. Не можев да верувам. Ме преплавија емоции и бев толку многу среќна бидејќи навистина сакавме дете, изјави балканската Ким.
Периќ, инаку, на Инстаграм ја следат дури 1,1 милион луѓе.
