Актерката Анџелина Џоли (44) се разведе од сопругот Бред Пит (55) во септември 2016 година, а и покрај тоа што проминаа 3 години од разводот, Џоли и понатаму не сака да има пријателски односи со популарниот актер. Добитничката на Оскар, кон Бред чувствува горчина, бидејќи смета дека животот на нивните шест деца се свртел наопаку.
Наводно Анџелина на почетокот не сакала да се омажи за Бред, а после разводот одлучила дека веќе никогаш не сака да се венча.
„Анџелина и понатаму е огорчена поради Бред. Сака да преземе одговорност, бидејќи ѝ го превртел целиот живот. И нејзе и на децата“, изјавил извор за UsWeekly. Актерката моментално снима филм во Шпанија, а неодамна изјави дека би сакала да живее во странство, но не може да се отсели поради поранешниот сопруг.
„Разводот беше навистина комплициран. Пред крајот на мојата врска со Бред не можев да се препознаам, како да изгубив дел од себе… станав помала, небитна, иако тоа не го покажував“, изјавила актерката и додала дека искрено била повредена. Поранешниот пар има 6 деца – синовите Медокс (18), Пакс (15) и Нокс (11), и ќерките Захара (14), Шило (13) и Вивиен (11).
