Марија Шерифовиќ денес го прослави својот 35-ти роденден, а честитките пристигнаа од сите страни.
– Ви благодарам за честитките. Наполнив 35. Во мојата глава сум таман некаде на половина пат… Со првата половина сум задоволна, а другата? Е, таа ќе биде сензационална, напиша пејачката на својот Инстаграм профил.
На фотографијата се гледа дека роденденот Марија, меѓу останатите, го прославила и со своето куче.
Таа сподели и видео на кое со едно момче кое го нарече „Мојот омилен пријател“ си ја испеа песничката „Среќен роденден“.
Пејачката овие денови подигна прашина во медиумите откако соопшти дека го напушта шоуто „Ѕвездите на Гранд“ каде веќе неколку години е член на жирито.
