Вака изгледа стајлингот кој зрачи со елеганција и гламур…
Пепито и карираниот дезен, како и елегантните комбинации се моментално многу актуелни во модниот свет.
Дизајнерите на голема врата ги вратија женствените стајлинзи кои ги истакнуваат облините и во кои секоја жена изгледа заводливо.
Кога помислуваме на гламур и елеганција, една од првите асоцијации за овие зборови е карираниот дезен. Познатата Коко Шанел го прославила ваквиот принт и модел на одела, а истиот до денес е незаменлив.
Доказ за тоа дека во ваквата комбинација секоја жена изгледа одлично е и последното појавување на пејачката Џенифер Лопез. Лопез била фотографирана во Лос Анџелес додека напуштала еден ресторан, а на неа носела кариран комплет од сако и панталони.
Панталоните со висок струк и пократкото сако на вистински начин ја нагласиле нејзината фигура на која вредно работи, а белата ролка е полн погодок со ваквата комбинација. За целиот стајлинг да изгледа уште поженствено придонела и високо врзаната пунџа и дискретната шминка. Малата црна чанта е секогаш добар избор.
