Лепа Брена и Боба Живојиновиќ се во куќен карантин. Пејачката и нејзиниот сопруг пред недела дена пристигнале од Монако, каде поминале три дена.
Веднаш по доаѓањето во Србија тие ја измериле температурата за да проверат дали се заразени со коронавирусот. Иако резултатите се негативни, пејачката одлучила со сопругот да се затвори во домашна изолација 15 дена.
Фолк-ѕвездата ги повикала синовите Стефан и Виктор итно да се вратат во семејната куќа на Бежаниска коса и им забранила да излегуваат.
– Температурата на патниците ја следат на секој аеродром, така што ние сме сигурни за нашата здраствена состојба. Не треба да се крева паника, но треба да сме одговорни кон себе и кон другите. Вирусот се шири таму каде што не се сфаќа сериозно и каде што луѓето не се придржуваат на хигиенските услови и социјална култура – вели Брена и додава дека ја дезифенцирала целата куќа.
