Сјаен рецепт за летниот ручек. Многу се вкусни и брзо се подготвуваат.
Наместо да користите ориз и месо, прилагодете си го овој рецепт за тропските денови, за да не ви биде претежок за стомакот. Многу лесно се подготвува, а она што е најдобро е дека тој ќе ви обезбеди доволен внес на витамини со многу малку калории.
За подготовка потребно ви е:
– 7 обични или пиперки бабури
– 600 гр ситно сирење или урда (по желба)
– 2 домати
– масло
– сол
– 2 јајца
Подготовка:
Пиперките измијте ги и издлабете ги, исчистете ги од семките и оставете ги на страна.
Во сад за мешање соединете го сирењето со јајцата, па посолете и добро измешајте, наместо сирење можете да употребите и урда, која е исклучително здрава за нашето тело. Со оваа смеса наполнете ги пиперките. Доматот исецкајте го на покрупни делови и со нив затворете ги пиперките со цел филот да не ви истече.
Наредете ги полнетите пиперки во намастен ватростален сад и печете во загреана рерна на 200 степени додека пиперките не заруменат.
