Направете си го ова превкусно топло чоколадо и стоплете се во зимските денови…
Доколку сакате нешто да се напиете или да се заблажите, а притоа да ги израдувате своите непца, овој напиток е совршен за вас…
Состојки:
– 150 гр чоколадо со 60% какао
– 200 мл полномасно млеко
– 200 мл слатка павлака
– лажичка кафеав шеќер
Подготовка:
– Искршете или изрендајте го чоколадото, а млекото и павлаката ставете ги во сад на оган на средна температура.
– Кога ќе зоврие млекото, прелијте го чоколадото и мешајте се додека смесата не се згусне, но водете сметка да не останат грутки.
– Додадете по желба зачини или намирници кои ќе го засилат вкусот на чоколадото, како цимет,морско оревче, рум или коњак, а можете да додадете и шлаг.
Совет плус: Доколку сакате малку поздрава верзија, употребете оризово, соино или бадемово млеко, а наместо шеќерот послужете се со јаворов сируп или мед.
