Ксенија Пунтус била во врска со внукот на режисерот Никита Михалков
Руската манекенка Ксенија Пунтус (21) претрпела несреќа и се наоѓа во болница, а причината за тоа сè уште не е позната.
Според пишувањето на руските медиуми, домарот ја нашол манекенката доцна во ноќта на тротоарот пред зградата во која живее Андреј Баков, внукот на рускиот режисер Никита Михалков, а се претпоставува дека тие двајца биле во врска.
Манекенката се освестила, но сè уште не е откриено што ѝ се случило.
„Ксенија е сега во стабилна состојба. Сè уште е во болница“, рекол нејзиниот портпарол.
Според првите извештаи, Ксенија имала повеќе скршеници, како и потрес на мозокот. Ортопедот и трауматолог Константин Тернов, според повредите, претпоставува дека манекенката паднала од трети или четврти кат.
Рускиот Рамблер пишува дека внукот на Никита Михалков ги избришал сите профили на социјалните мрежи, а неговата мајка Ана Михалков ги блокирала коментарите на Инстаграм.
