Многу е важно да знаете како добро да го организирате фрижидерот со цел храната да ви биде добро сочувана. Фрижидерот нема хомогена температура, степенот на ладење не е ист на врвот и дното од внатрешноста. Најладната точка е полицата над делот за овошје и зеленук, односно над долните кутии.
Доколку фрижидерот работи добро, температурата би требала да биде околу 0 до 2 степени во долните полици, 4 степени во средниот дел, 6 степени на врвот во фрижидерот и 8 степени на полиците на вратата.
Проблемот со сместувањето на јајцата е во тоа што местото предвидено за нив во фрижидерот не е најдоброто место на кое оваа намирница би требало да се чува. Освен што е тоа подрачје во кое температурата е повисока, тоа место е и најподложно на промена на темпертурата поради отварање и затварање на вратата. На нивната лушпа поради тоа може да се создаде штетен кондензант.
Јајцата треба да ги оставиме во нивната амбалажа и да ги ставиме во горниот дел од фрижидерот внатре, не на вратата.
