Потребни состојки:
– 300мл млечна слатка павлака
– 200мл чоколадно млеко
– 50гр шеќер
– 150гр чоколадо за готвење
– 10гр желатин
Се ставаат слатката павлака, чоколадното млеко (може и обично млеко, но додадете дополнително шеќер), шеќерот(по вкус) и чоколадото на оган да зовријат.
На страна во меѓувреме кесичката желатин се става во 50мл вода околу 10мин. Откако убаво ќе се стопи чоколадото се трга смесата на страна и и се додава желатинот и се меша додека не се стопи.
Веднаш смесата се става во калапи. Прво да стојат на собна температура, а потоа во фрижидер 3-4 часа. Се вадат од калапите и се сервираат со овошен џем или свежо овошје.
