Акните се проблем кој се провлекува не само низ пубертетот, туку и подоцна во животот. Има илјадници третмани, креми и лосиони кои секојдневно се користат.
Некои од нив делуваат, а некои може да предизвикаат други иритации поради тоа што во својот состав содржат вештачки бои и состојки кои може дополнително да ја исушат кожата.
Поради тоа, акните е најдобро да ги третирате со природни третмани, како што се есенцијалните масла на база на билки.
Овие 4 есенцијални масла се покажале како најделотворни во борбата со акните:
Масло од чајно дрво
Маслото од чајно дрво има анто-воспалително својство и спречува појава на акни. Освен на лицето, можете да го користите и на кожата на целото тело.
Неколку капки се доволни, а може да се користи неколку пати на ден.
Масло од лаванда
Ова масло е делотворно за целиот организам. Спречува појава на акни, а делува и на лузните предизвикани од акни и други иритации.
Дополнителна предност е и неговото анти-стрес дејство. Една мала лажичка во комбинација со кокосово или бадемово масло е доволна, а можете да го користите секој ден.
Масло од оригано
Маслото од оригано содржи висок процент на фенол, состојка со моќни анти-воспалителни својства која истовремено и ја штити кожата.
Растворете 2-3 капки во друго масло, како масло од јојоба или кокосово масло, и нанесете на проблематичните делови.
Масло од рузмарин
Рузмаринот е растение кое има многу делотворни ефекти на здравјето. Маслото од рузмарин се користи за подобрување на меморијата, намалување на крвниот притисок и отстранување на акните и флеките од кожата.
За најдобри резултати, измешајте 3-4 капки масло од оригано со масло од чајно дрво и поминете ги проблематичните делови.
