Одредени состојки од оваа храна ќе го забрзаат процесот на слабеење, поради што е корисно да ги консумирате секојдневно.
1. Зеленчук
Доколку сакате згодно тело, зеленчукот мора да биде најзастапен во вашиот ручек, бидејќи тој ви ги дава потребните минерали, витамини и фитохемикалии. Во процесот на слабеење особено ќе ви помогне зеленчукот со висок процент на влакна како брокули, прокељ, спанаќ, грашок, пченка, кељ и леќа, па затоа вклучете ги во секојдневвното мени.
2. Немасни протеини
За полесно да ослабите, завртете се кон немасните протеини, кои подолго ќе ве држат сити во однос на јаглените хидрати и заситените масти, по кои гладот многу брзо ќе се врати. Најдобро е во вашето мени да вклучите пилешко месо, мисиркино, телешко и јунешко, како и јајца, лосос, бакалар и туна.
3. Цели житарки
Доколку сакате да јадете леб, не морате целосно да се откажете од него, туку заменете го со леб од цели зрна житарки. Многу истражувања потврдија дека луѓето кои јадат 2 до 3 порции цели житарки дневно имаат за околу 2,4 проценти помалку телесни масти и за 3,6 проценти помалку абдоменални масти од луѓето кои воопшто не ги консумираат.
Едно парче леб од цели житарки е еднакво на една потребна порција, па затоа во ручекот слободно можете да вклучите една ваква кришка. Дополнителен извор на цели зрна житарки можат да бидат и овесот, булгурот, киноата или кафениот ориз.
