Оваа боја е симбол за мудрост, разбирање и посветеност, но и сериозност и побожност…
Минатиот викенд ширум светот се обележа прославата на католичкиот Велигден.
Според традицијата, најпознатите семејства ширум светот одеа на миса, а еден детал не успеа да ни побегне – многу моќните жени на овој ден се појавија во иста боја – светло сина.
Случајност или со облеката сакаа нешто да порачаат?
Да почнеме од самата пастелна палета – нежните тонови од било која боја покажуваат префинетост, нежност и вистинска, аристократска елеганција.
Сината е боја која ги симболизира двете најубави природни појави – небото и морето. Симбол е и за длабочина и стабилност, а се верува и дека помага да се избистри умот.
Се поврзува и за смиреноста и спокојот.
Светлосината боја исто така е симбол на побожност и сериозност, па можеби и не е чудно што најмоќните жени ја одбрале токму за најголемиот христијански празник.
Лицата во светло сина боја зрачат со интелигенција и свеченост.
Светлосината боја е и симбол на здравјето, излекувањето, разбирањето и мекоста, но исто така и симбол за доверба, посветеност, мудрост, вера, вистина и рај.
За разлика од сите останати дами кои за Велигден избраа светлосина боја, шпанската кралица Летиција понесе тегет фустан со дискретни, нежни цветови, кои, пак, симболизираат знаење, сила, интегритет и сериозност.
Всушност, познатите дами тренди боите ги вклопија со традиционалното значење и празникот, но и со облеката порачаа дека тие се оние во кои навистина можете да имате доверба, бидејќи се лојални, мудри, интелигентни, сериозни, но и побожни.
