Мик Џегер потврди во првото интервју дека се чувствува добро, откако беше на операција на срцето.
Рокенрол иконата во март беше на операција за замена на срцевиот залисток, поради што Стоунси мораа да ги откажат концертите од турнејата на бендот во Северна Америка, пренесува NME.
Откако концертите сега повторно се закажани, Џегер изјави дека пробите на Стоунси веќе одамна траат.
„Доста вежбавме во изминатите недели… Утрово бев малку и во теретана. Ништо особено. Потоа отидов на проба со остатокот од бендот“, додаде тој.
