Германскиот хард-рок бенд објави нова песна и видео-запис и за помалку од 24 часови постигна гледаност од над 6 милиони прегледи на Јутјуб.
Иако фановите се задоволни од работата на бендот, спотот предизвика остри реакции кај поголемиот дел од публиката, особено поради илустрираните делови од историјата, Холокаустот и нацистичките униформи кои членовите ги носат. Гитаристот во спотот носи и Давидова ѕвезда.
Според едни се работи за видео кое има чисто уметничка вредност, без намера за навреди и тривијализирање на еден од најстрашните настани од историјата на светот. Но други, особено припадниците на еврејската заедница, се шокирани од ваквото неодговорно однесување.
„Рамштајн“ се познати по своите провокативни видеа и текстови, а во 2009 година берлинските власти дури и побарале цензура на албумот „Liebe ist fur alle da“.
Новиот албум на бендот ќе биде објавен на 17 мај оваа година.
