По две години, Метју Пери повторно е виден во јавноста, во многу лоша состојба, особено поради неговата борба со зависностите и депресијата.
Неговите обожаватели сметаат дека тој никогаш не изгледал полошо. Актерот минатата година беше и во болница, поради нарушено здравје.
Тој на Менхетен прошетал со валкана маица и тренерки кои ги отцртуваат вишокот килограми, а косата и брадата му биле несредени.
Пери доживеа огромна популарност со серијата „Пријатели“. Иако многупати се шпекулираше за продолжение, досега тоа не се случи.
„Имам кошмар во кој снимаме продолжение и на никого не му е интересно. Се плашам од неуспех. Затоа, ако некогаш ме прашаат дали ќе снимам повторно ‘Пријатели’, одговорот сигурно ќе биде ‘не’“, изјавил Пери во 2017 година.
Последен пат се појавил во филм во 2009 година, а со изјава за јавноста во 2017 година.
