Боксерскиот спектакл помеѓу Конор Мекгрегор и Флојд Мејведер се чини дека ја отвори Пандорината кутија и се повеќе познати актери, пејачи, спортисти се предизвикуваат на борба.
Неодамна канадскиот пејач Џастин Бибер јавно го предизвика на борба во октагон, славниот актер Том Круз.
„Сакам да го предизвикам Том Круз на борба во октагон. Ако не го прифати овој предизвик тогаш тој е исплашен и ќе нема да може да се извлече од тоа. Кој сака да ја организира оваа борба? Дена Вајт?“.
I wanna challenge Tom Cruise to fight in the octagon. Tom if you dont take this fight your scared and you will never live it down. Who is willing to put on the fight? @danawhite ?
— Justin Bieber (@justinbieber) June 10, 2019
Одговорот дојде од директно повиканиот прв човек на УФЦ.
– Не знам дали овој предизвик е шала или е реален. Сите зборуваат за ова, но сè уште Бибер не ме контактирал. Слушајте, можеби Џастин Бибер сака борба со Том Круз од некои причини, но се сомневам дека актерот би сакал да се бори, никој не сака да влезе во октагон со 56 години. Меѓутоа, доколку Бибер сака да влезе во октагон и доколку Том Круз е решен исто така да се бори, тогаш може да разговараме – изјави Вајт.
Сепак, на крајот испадна дека предизвикот на пејачот било само „игра“ и дека немал намера да влегува во откагон со Том Круз.
