Кијану Ривс (55) се појави на јавно случување со партнерката Александра Грант (46), што верувале или не, е неговото прво појавување со девојка некогаш!
Тие двајца присуствувале на „LACMA Art + Film Gala” која во саботата се одржа во Лос Анџелeс, во организација на модната куќа Гучи.
55-годишниот актер и 46-годишната уметничка, според пишувањата на магазинот „People” се најдобри пријатели и соработуваат веќе со години. За првпат соработувале заедно во 2011 година, на книгата на Кијану – „Ode To Happiness”.
Во 2016 година, повторно ги „здружиле своите сили” за книгата „Shadows” која Ривс ја напишал, а Грант ја илустрирала. Парот ја основал и издавачката куќа „X Artist’s Books” во 2017 година.
„Daily Mail” пишува дека Грант е првата девојка со која актерот позирал држејќи се за рака на црвениот тепих, во својата 35-годишна кариера.
Keanu Reeves Holds Hands with Artist Alexandra Grant on the Red Carpet https://t.co/nVTD7Kzzzu
— People (@people) November 5, 2019
Најсериозната врска досега му била со покојната Џенифер Сајм, која трагично загинала во 2001 година во автомобилска несреќа. Џенифер имала само 28 години.
Пред неколку месеци беше откриено дека Кијану ќе глуми во новото продолжение на „Matrix”, како и во филмот „Bill & Ted Face The Music” идната година.
